Endokrinoloq Dr. Şirvan Zəkəriyəyev

Tiroid, şəkərli diabet, çəki və hormonal pozğunluqlar — əvvəlcə səbəbi araşdıran, fərdi müalicə.

ATU məzunu · Endokrinologiya rezidenturası — ATU TTK
Tiroid USM və İİAB — həkimin özü aparır
10-dan çox elmi konqres və konfrans (Azərbaycan, Türkiyə, Oman)
Bakı və Qəbələdə qəbul

Endokrinoloq Dr. Şirvan Zəkəriyəyev kabinetində

Qısa cavab

Dr. Şirvan Zəkəriyəyev endokrinoloqdur. Bakıda Caspian International Hospital-da, Qəbələdə Sağlam Həyat Tibb Mərkəzində qəbul aparır. Azərbaycan Tibb Universitetini bitirib (2012–2018), endokrin xəstəliklər üzrə rezidenturanı ATU Tədris Terapevtik Klinikasında keçib (2018–2022). Əsas sahələri:

Həkim haqqında

tiroid düyünləri və zob — ultrasəs müayinəsi, incəiynəli biopsiya (İİAB), kistanın əməliyyatsız boşaldılması;
şəkərli diabet və prediabet;
artıq çəki və insulin müqaviməti;
hormonal pozğunluqlar;
uşaqlarda boy və yetkinləşmə problemləri;
osteoporoz.

Yanaşma

Hormona tələsmədən, əvvəlcə səbəbi araşdıran müalicə

Hormonal tənzimHipofiz — tiroid oxu

Sxematik təsvir

Səbəb tapılmadan müalicə yoxdur
Çəki artımından TSH dəyişikliyinə qədər hər şikayətin altında yatan səbəb araşdırılır. Həkimin sözləri ilə: «TSH dalğalanması zamanı tək hormonal dərman kifayət etməz! Səbəb tapılmalı və sonra uyğun müalicə olunmalıdır.»
Hər pasient fərdidir
«Sizinlə eyni analizə malik başqa bir pasientdə sizin müalicə ilə onun müalicəsi eyni ola bilməz.» Yaş, çəki, yanaşı xəstəliklər və analizlər dərman seçimini dəyişir.
Ömürlük dərmana tələsmək olmaz
İlk dəfə aşkarlanan hipotireozda (tənbəl zobda) həkimin əlavə müayinə istəməsinə icazə vermək vacibdir. Əks halda boş yerə ömürlük hormon içməyə ehtiyac yarana bilər.
Bəzən düzgün müalicə izləməkdir
«Nəsə etmək xətrinə iş görmürük. Əsas məsələ düzgün diaqnoz qoymaq, düzgün müalicə etməkdir. Bəzən düzgün müalicə sadəcə izləməkdən ibarətdir.»
Müayinə canlı olmalıdır
«Endokrinologiyanın təməli hormonlardır. Pasienti görmədən hər hansı dərman təyin etmək yanlış ola bilər.»

Xəstəliklər

Xidmət sahələri

Bədən kütlə indeksi (BKİ) kalkulyatoruBoyunuzu və çəkinizi daxil edin — BKİ və ÜST təsnifatına görə qiymətləndirmə dərhal göstərilir.

Həkimin özü aparır

Əməliyyatsız tiroid prosedurları

Tiroid İİAB (incəiynəli aspirasion biopsiya)

Ultrasəs nəzarətində düyündən incə iynə ilə hüceyrə nümunəsi götürülür. Düyünün xoş- və ya bədxassəli olduğunu dəqiqləşdirmək üçün əsas üsuldur. Həkimin qeydinə görə: «İİAB sonrası və İİAB zamanı ağrı texnikadan asılıdır. Düzgün yerdən və uyğun götürülmə zamanı ağrı demək olar ki, olmayacaq səviyyədədir.»
Tiroid İİAB (incəiynəli biopsiya)
Tiroid kistasının boşaldılması və skleroterapiyası

Böyük kistada boğulma, təngnəfəslik kimi şikayətlər varsa, kista kəsiksiz, əməliyyatsız boşaldılır; lazım olduqda skleroterapiya edilir.
Kistanın boşaldılması, skleroterapiya, ablaziya
Kista ablaziyası

Əməliyyatdan sonra qalan tiroid toxumasında dəfələrlə boşaldılmasına baxmayaraq yenidən dolan kistada tətbiq olunub.
Kistanın boşaldılması, skleroterapiya, ablaziya

Tiroid İİABUSM nəzarətində incə iynə ilə

Sxematik təsvir — real müayinə görüntüsü deyil

Həkim haqqında

Dr. Şirvan Zəkəriyəyev

Dr. Şirvan Zəkəriyəyev Azərbaycan Tibb Universitetinin məzunudur (2012–2018). Endokrin xəstəliklər üzrə rezidenturanı ATU Tədris Terapevtik Klinikasında tamamlayıb (2018–2022). Türkiyədə endokrinologiya üzrə ixtisasartırma keçib; 2020-ci ildə Bağcılar Eğitim ve Araştırma Hastanesində tiroid ultrasəsi və düyün biopsiyası kursunda iştirak edib.

Paytaxtla yanaşı bölgələrdə də mütəmadi qəbul aparıb: Qubadlı, Zaqatala, Balakən, Naxçıvan, Göyçay, Qəbələ.

Ətraflı tərcümeyi-hal

Elmi fəaliyyət və media

Konqreslər, məruzələr, efirlər

7-ci Beynəlxalq Bariatrik-Metabolik Cərrahiyyə və Metabolik Xəstəliklər Konqresi (2026) — «Bariatrik cərrahiyyə öncəsi endokrinoloqun yanaşması» mövzusunda çıxış
ATU Tədris Terapevtik Klinikası — «Tiroid düyünləri, düyünlərə yanaşma və həkimin taktikası» seminarı
46-cı Türkiyə Endokrinologiya və Metabolizm Xəstəlikləri Konqresi (46. TEMHK; 30 aprel – 4 may 2025, Antalya)
Endokurs-9 (16–19 oktyabr 2025)
Lider TV, «Həkimim» — «Qalxanabənzər vəzi xəstəlikləri (zob)» (2021)
Xəzər FM, canlı efir — «İnsulin dirənci, diabet və zob xəstəlikləri»

Elmi fəaliyyət Media